சொன்னதை செய்!
அறிவிற்கு
இங்கே
வேலை இல்லை.
சொன்னதை செய்....
சிறு வயது முதல்
ஊட்டி வளர்க்கப்படும் வார்த்தை.
அம்மா!
எனக்கு இந்த உடை வேண்டாம்.
சொன்னதை செய்!
அய்யா இந்த கணக்கிற்கு
விடை இதுவல்ல !
ஆசிரியர் சொன்னது
சொன்னதை செய்!
அய்யா! இந்த வியாபாரம்
இலாபம் தராது!
முதலாளி சொன்னார்
சொன்னதை செய்!
சொன்னதை செய்!
கேட்டு கேட்டு
இப்பொழுதெல்லாம்
சொன்னால்தான் செய்கிறேன் !
சொன்னதை மட்டுமே செய்கிறேன்!
சொல்லாததை
யோசிக்க மறந்த மூளை
சொல்வதையும்
யோசிக்க மறுக்கிறது!
No comments:
Post a Comment